КУВЛЫТӦМ ЛӦГЛУН

«Миянкӧд — ен» — вӧлі гижӧма фашистъяслӧн тасма кӧртъясас. Тайӧ тасмаяснас найӧ волісны пӧвсавны миянӧс.
Ен найӧс вайӧдліс чужан му вылӧ свинечӧн тупкыны миянлысь вом, сотавны каръяс да косавтӧм вылӧ пуктыны миян ног олӧмлы пом. Вӧрӧгӧс мичмӧдіс анделлӧн бордйыс, тасмаас дзирдаліс — «Миянкӧд — ен», сылысь став «бурлунсӧ» аддзим, кыдз ордйис сьӧд креста танкъясӧн зэв сьӧкыд вен. Гожся водз асылӧ, сувтӧ кор шонді, вӧр-васӧ меліа сывъялӧ ун, чардбиӧн енэжсянь гындыны пондіс, тшын-бусӧн гудыртчис кыпӧдчысь лун. Дӧваяс ӧні на кисьтӧны синва, нэм чӧжныс кыскӧны бурдлывтӧм дой. Енмыд кӧ вӧлі, дерт, пемдывліс синмас, аддзис кор сы мында усьӧмлысь шой. Абутӧм идоллы некод оз эскы, креставны морӧс оз кыпӧдчы ки... Кутшӧм мӧд идол нӧ чужан му весьтӧ бара жӧ лӧсьӧдчӧ койыштны би? Выль фюрер ыршасьӧ атомнӧй чардӧн кынтыны войтырлӧн сӧнъясысь вир, но коді мукӧдлы лӧсьӧдӧ адсӧ, аслыс жӧ кодйӧ медджуджыд йир.
Гижӧд
Кувлытӧм лӧглун
Жанр: 

lkejrlkelkrgner klrjnelknfrkl ekjnrjkenfrej

1