КИРӦ МИТЬ

1991 вося май 20 лунӧ Москваын кувсис инженер-полковник Дмитрий Кириллович Моторин, Россияса заслуженнӧй строитель, коді кыпӧдіс пӧимысь война кадӧ сотӧм Севастополь.
Эжва катыдса сиктысь петіс коми бать-мамлӧн муса пи, чужан кыв вылас кывбур тэчис, пуктіс кырымпас: Кирӧ Мить... Миян нэмным эз ло зэв гылыд, — биӧн ыпъяліс помтӧм вен... Кутшӧм мыжысь нӧ миян вылӧ чӧвтіс лӧглунсӧ дӧзмӧм ен? Но бур мывкыда зонлы уси аслас ёртъясысь бурджык шуд, восьса морӧсӧн жӧ, эз гусьӧн кӧть и олӧмлысь туйсӧ вудж. Ачыс Карбышев сетіс сылы академиялысь диплом, быттьӧ водзвыв нин сійӧ кыліс, кутшӧм веськалас аслыс пом... Генерал шуис: — Тӧд, Моторин, коми войтырлӧн дона пи, чужан муыд тшӧтш тэнсьыд корӧ ӧзйысь сьӧлӧм да зумыд ки. Биӧн чишкассьылӧм быд тополь Крымын помнитӧ вӧвлӧм дой. Важысь мичаджык Севастополь сувтіс пӧимысь, кар-герой. Сылӧн мраморӧн кышӧм стенас Некод, тӧдам ми, оз нин сім Кирӧ Митьнымлӧн кадсӧ венысь зарни шыпасысь тэчӧм ним.
Гижӧд
Кирӧ Мить
Жанр: 

lkejrlkelkrgner klrjnelknfrkl ekjnrjkenfrej

1