ДРУГЪЯС

К. Туркинлы, А. Осиповлы, Б. Семячковлы, С. Тимушевлы да мукӧд сэтшӧмъяслы.
Вочаасисны кык друг — Прокопей да Семӧ. Шуӧ ӧтиыс: — Бур лун! Мӧдыс: — Шуда нэмӧн! Кытчӧ кутан ассьыд туй? — Кодарлань тэ рӧдтан? Семӧ шуӧ: — Висьӧ юр, Но пивнӧйыс пӧдса... Чужан лунӧс пасйи ме, Видлі югыд зелля... — Аслам, — шуӧ Прокопей, — Куим лун пӧкмелля; Аски удж вылӧ ог мун... — Уджыд оз на энды! — Сывъясисны кык дружок. Кытчӧдз дзик эз пемды, Мездалісны быд ларёк Винаысь да сурысь, Сэсся горзісны кык вок: «Ой... ревела буря...» Асъявылас висьӧ юр Ӧтилӧн и мӧдлӧн, Бара аддзисны кык друг, Мыйысь синмыд рӧмдӧ. — Талун вторник? Чуть эз вун... Менам баблӧн паметь... Мый тэ чайтан? Ме ӧд внук, Абу сімӧм амысь... Ресторанын Прокопей Баблысь паметь «мыськис», Сэсся ассьыс другсӧ сэк Бара гортас кыскис. Воис среда — вежон шӧр, Уджавны нин колӧ, Кутас каттьысьны лёк шӧрт, Он кӧ сійӧс орӧд! Но оз уджав Семӧ-вок, Ӧдва потіс синмыс — Прокопейлы: — Эй, дружок, Талун менам нимлун. Вӧчан ӧмӧй прӧмак тэ, Другтӧ он уважит?.. Нимлун кузя Прокопей Асывсяньыс гажа. И четвергӧ эз на пет Юр пытшкӧссьыс жарыс... Юны помка, гашкӧ, эм Миян календарын? Гашкӧ, кувсьыліс бур морт, Либӧ мыйкӧ восьтіс? Кутшӧм Семӧяслы мог, Кыксё во кӧ костас? Бара мунӧны кык вок Тӧдса ресторанӧ, Сэсся кыпӧдӧны тост Репин вӧсна яра. (Гажа морт оз разбирайт, Юр вемас мый письтӧ: Мӧдысь овнысӧ эз чайт Репин-живописец!) Зептӧ эз коль весиг грӧш Пятницаӧ юны, А не сӧмын мыйкӧ тшӧтш Гӧтыръяслы нуны; Ньӧбны челядьныслы кӧм Либӧ мича паськӧм, Ӧд бутылка пытшкӧ сьӧм Тойыштісны асьныс. Пыр на висьӧ дикмӧм юр... Пятницаӧ Семӧ Шуӧ: — Сюзьлӧн кувсян лун Талун менӧ венӧ, Сӧмын уджйӧз помысь, дерт... И субӧта рытӧ Выходнӧй водзын, кыдз век, Пукалісны кыкӧн... Воскресенье бӧрын кыдз Прокопей да Семӧ Веськӧдісны вӧчӧм мыж, — Эз висьтавны меным. Гашкӧ, сюзьыс эз на кув, — Юны помка сюрис: Вежон сьылісны кык друг Пыр... «ревела буря...» Гашкӧ, сьӧлалісны дыр Курыд зелля вылӧ, Сэсся каитчисны пыр... Шогсян, шушкыль кылӧн Сыысь, кутшӧм ыджыд вред Вайисны бур йӧзлы, Сӧмын сы вӧсна, мый эз Гӧрны да эз кӧдзны. Кӧть и суд вылӧ оз кор Некод таысь найӧс, Но эм сьӧкыдджык позор, Кодӧс юӧм вайӧ. Гашкӧ, сӧмын ӧти ки Кытыськӧ и орис, Да, кыдз васӧ кутӧ йи, Ыджыд делӧ дорис... Семӧ либӧ Прокопей Удж вылӧ эз локны, А кор локтісны, то сэк Нинӧм вӧлі босьтны! Гижи Семӧ йылысь ме, Прокопейӧс пасйи... Висян на моз жӧ кӧ тэ, Медводз аддзы асьтӧ!
Гижӧд
Другъяс
Жанр: 

lkejrlkelkrgner klrjnelknfrkl ekjnrjkenfrej

1