ВӦРЫН ТШАК ВОТІГӦН
Тшак вотігад, век жӧ, колӧ тэрмасьны, пестер тэнад абу кӧ на тыр, удалджыкъяс тэысь ӧдйӧ вермасны дона гобтӧ кушӧдз нуны пыр. Видзӧда да, меысь дзорджык нывбаба беддясьӧмӧн паныд локтӧ стӧч, повзьӧмысла тіралана кывъясӧн сёрни панӧ шӧйӧвошӧм пӧч: — Ылалі ме... Ог тӧд мунны кодарлань... Енмыс тӧдӧ, кӧні менам горт... — Тэ жӧ, пӧчӧ, — шуа, — мунан мӧдарӧ!.. — Аттьӧ тэныд, аттьӧ, тӧдтӧм морт!.. Инда ордым, кыті мунны пӧрысьлы, ачым дзорга, эз-ӧ коль кӧть гоб?.. Горшлуныд оз эновт морттӧ вӧрын и, вунӧдлан, мый аслад висьӧ кок. Тшыглун вӧтлӧ вӧрад весиг пӧрысьӧс, коммунизмыд, тыдалӧ, оз во. Сиктад весиг нянь вӧдитысь-гӧрысьыд партиялӧн вӧляӧн эз ло... ...Мыйла нӧ ме пӧчӧсӧ эг колльӧдышт? — эз весьшӧрӧ мӧвпыс юрӧ усь. Оз асфальтӧн ордымъястӧ мольӧдны, Он тӧд: сійӧ ёна-ӧ на кузь! Кадыс кӧть эз ёна дыр и кольышты — уськӧдчи ме бӧр веськӧдны мыж... Ордым менӧ вайис тӧдтӧм шор дінӧ, вуджны кодӧс эз мешайт и пыж. Повзьӧм вӧсна лёкгоршӧн сэк горӧді, горзі дыр, но воча кыв эг кыв... Быттьӧ парма лӧглунысла орӧдіс нэмӧвӧйся ассьыс сьыланкыв. Вӧрысь воӧм бӧрын, дерт жӧ, висьтаси: синъяс водзын пӧчыс вӧлі век... Тӧдісны мед, шог юӧр кӧ писькӧдчас, Лов вылӧ ме босьті кутшӧм грек.
Гижӧд
Вӧрын тшак вотігӧн
Жанр: 

lkejrlkelkrgner klrjnelknfrkl ekjnrjkenfrej

1