ВИТ НЯНЬ ТОР
Война кадӧ мамӧ дінӧ кольлім ӧткодьӧсь, нёль ӧткодь палич пом, сынавлытӧм юрсияса нёльӧн, пӧтлун некор тӧдлывтӧм нёль вом. Локтас вӧлі удж вылысь бур мамным, сьӧрсьыс ваяс чорыд кӧрыш дор. Сӧмын сылӧн тырмыліс и сямлун шӧрыштны сэсь вит да ӧткодь тор — нёльсӧ миянлы, а витӧд торсӧ — аслыс... — Сёйӧй... — шуас, пуксяс дзикӧдз мудз. Некор сійӧ ассьыс пай эз пасйыв, сылӧн киыс та вылӧ эз судз. Коркӧ ӧтчыд воши пызан помысь мамӧнымлы юкӧм ӧти тор, кодлӧн сійӧ сыліс рака вомас, тӧдмавнытӧ лои вывті сёр... Ӧта-мӧдлӧн синъясысь ми корсим горшасьӧмла вӧчӧм ыджыд мыж. Нёль вок костысь медводдзаысь торкис сӧстӧмлунсӧ ӧтилӧн ёсь гыж. Нёль тор ӧні коліс юкны витлы. Кыдзи тайӧс вӧчны? Колӧ сям... Нёльнан торсӧ, гашкӧ, выльысь йитлас, сэсся выльысь юклас ачыс мам? Миян тӧждлун сылы ёся инмис, сьӧлӧмӧдзыс йиджис ыджыд дой... Аддзылі, кыдз чужӧмтіыс синва исковтіс да кӧтӧдіс куш сой. — Сёйӧй, сёйӧй... — сійӧ вочавидзис андел дорысь мусаджык да рам. Пиньяс костын нянь торъяссӧ изім, пӧсь синвасӧ ньылаліс тшӧтш мам.
Гижӧд
Вит нянь тор
Жанр: 

lkejrlkelkrgner klrjnelknfrkl ekjnrjkenfrej

1