ВИЗИН ДОРЫН ПУКЫШТА
Визин дорын пукышта, кӧдзыд васӧ ньылышта. Абу матын туйлӧн пом, ачым абу жӧ зэв том. Ой тэ, парма, чужанін, кӧнкӧ эм-ӧ сэтшӧм ин, медым мортлысь сьӧлӧмшӧр гажӧдіс пыр зарни вӧр? Сыкӧд торйӧдлісны сэк, кор салдатӧн лои... Эк! Сӧмын ӧтнас тӧдӧ Ен, кымын том зон уси сэн. Тӧдӧ ачыс чужан му, кымын сылӧн братскӧй гу. Шогыд сьӧлӧмсьыд оз быр, сійӧ миянкӧд жӧ пыр. Ме кӧ биысь кыски лов, эг жӧ весьшӧрӧ на ов, ассьым вежӧр, ассьым сям сеті тэныд, парма-мам. Визин дорын пукышта, сӧдз ва нӧшта ньылышта, медым сылӧн дзик быд войт кокньӧдыштас сьӧлӧм дой.
Гижӧд
Визин дорын пукышта

lkejrlkelkrgner klrjnelknfrkl ekjnrjkenfrej

1