ВЕТЕРАН

И. В. Козловлы, вӧвлӧм танкистлы
Сьӧлӧмыд пыр тэнад вӧвлі ярӧн, ланьтыштны нин ӧні кутіс, но биӧн быттьӧ ырзьывлас на бара, биӧн жӧ кор лолыштас кино. Ылӧ кӧть нин колис сійӧ кадыс, — мӧдысь медым оз жӧ некор лок! Враглысь танкъяс эн ӧти снарядӧн жуглы сэк тэ, миян дона вок! Оз важ тыш, а талунъя манёвръяс петкӧдлӧсӧ, вӧлӧм, кино-висьт. Мыйла нӧ оз сідз, кыдз бойын овлӧ, танксӧ ӧдйӧ бергӧд том танкист?.. Уна йӧза залыс шызис-пузис, звирк сувтін кор дзормыштӧм нин морт, кулакнад экранлань зургин: — Узян?.. Кырссьыштасны балябӧжтӧ, мор!.. Вунӧдчылін, тӧда... Мый нӧ вӧчан? Верман ӧмӧй ланьтны, ветеран, враглӧн быд снарядлы кодыр воча мышсӧ сотны сетӧ миян танк! — Код юраӧс лэдзӧны тшӧтш, — мурзӧ шердын пасьта шляпа новлысь ныв. Копыртӧма дзор морт мыжа юрсӧ, восьлалӧ да ныв серам оз кыв... Дыр на сійӧ унмовсьны эз вермы, тӧждысьӧмнас быттьӧ эз на пӧт. Сылы паныд биа синма зверь моз котӧртӧ нин ёна тӧдса вӧт. Ун йывсяньыс кучкас кокнас-кинас, усйысяс мед ылӧ ковтӧм гӧсть. Кымӧс шӧрсьыс вель дыр на оз инась чукыръясӧ лысваалӧм пӧсь. — Юрлӧсӧс вай лӧсьӧдышт... — сэк шуас гӧтырыслы, но оз восьтлы син, медым олан шудлӧн тувсов юыс синсӧ восьтлігкостіыс оз чин.
Гижӧд
Ветеран
Жанр: 

lkejrlkelkrgner klrjnelknfrkl ekjnrjkenfrej

1