БИПУР ДІНЫН
Куритчытӧг сьӧкыд овны вӧрын, Торйӧн сэк, кор зептад папирос. Истӧг пыдди босьтан бипур шӧрысь Кыдз пу вылысь сэтчӧ усьӧм рос. Бара мунан, кыскан сьӧкыд ноптӧ, Кыв ни джын дзик некодлы он шу, Быттьӧ, тэныд паныд ачыс локтӧ Мӧд туй вожӧ кежавлытӧм шуд. Мортлысь пельпом ноп кӧвйыд оз орӧд, — Зумыдджыкӧн сӧмын лоӧ ки. Шуӧны, тан ловзяс Коми море, Баканъяслӧн ӧзъяс уна би. Мича мӧвпъяс кытшын бара кольӧ Бипур дінын тэнад узьтӧм вой. ...Тӧдны эськӧ, медводз кутшӧм ёльысь Волга юӧ воас эзысь войт!
Гижӧд
Бипур дінын
Жанр: 

lkejrlkelkrgner klrjnelknfrkl ekjnrjkenfrej

1