БЕССМЕРТНӦЙ НИМ
Татшӧм дойсӧ эз аддзывлы му вылын морт, Уна сюрс поколение пыр вуджис кӧть сійӧ... Пессьы сьӧлӧмын ӧтнад тэ, виччысьтӧм шог, Оз нин кужны кӧ нинӧмӧн отсавны кияс. Кывтӧ ньӧжйӧник кад... Ӧти сутки... И мӧд... Бюллетеньясысь лов быттьӧ кӧдзыдысь сырмӧ. Горшным гӧрддзасис... Кыдзи нӧ шогла он пӧд, Вождькӧд ӧтлаын воздухыс оз кӧ нин тырмы? Ӧти кыв, ӧти ковтӧм, мучительнӧй кыв, Пӧкӧритчыны коді и ӧні оз кӧсйы... Кыдзи веритны... Кор?.. Мыйла траурлӧн сыв Сійӧс кытшаліс друг, коді шонді моз ӧзйис? Бӧрдӧ мам... Бӧрдӧ ныв... Бӧрдӧ ичӧтик пи... Рӧднӧй Партия скорбнӧйӧс висьталӧ юӧр, Кодӧс полюссянь полюсӧдз шызьӧм эфир Океанъяс да муяс пыр тэрыба нуӧ... Кувсис Вождь, сё миллионъяслӧн медматыс друг, Югыд мирлӧн, выль мирлӧн Строитель да Кормчӧй, Коді сталинскӧй мудростьӧн миянлы шуд, Ленин туй кузя мунӧмӧн, Ставнымлы корсис. Кутшӧм кадӧ да кӧн вӧлі татшӧм мӧд морт, Кодӧс гырысьяс, ичӧтъяс шулісны батьӧн? Дона Сталинӧс славитӧ миян народ Кыдз Великӧй Наставникӧс, Вождьӧс, Салдатӧс; Муса Сталинлысь ним видзӧ сьӧлӧмас негр, И корейскӧй боец тышӧ нуӧ, кыдз знамя Заполярьелысь ловзьӧдӧ садьмывтӧм эрд, Кадлысь визувтӧм сталинскӧй генийыс панйӧ. Бӧрдӧ мам... Бӧрдӧ ныв... Бӧрдӧ ичӧтик пи... Рӧднӧй Партия скорбнӧйӧс висьталӧ юӧр, Кодӧс полюссянь полюсӧдз шызьӧм эфир Океанъяс да муяс пыр водзӧ пыр нуӧ... Шогыс миянлысь воля, кӧть сьӧкыд, оз вен, Сталин орччӧн пыр миянкӧд уджын и тышын. Монолитнӧй ЦК’а, рӧднӧй Партия эм, Стальысь кисьтӧм броняӧн моз Вождь найӧс кышис. Венас кадлысь лёк бушковъяс миян корабль, Вернӧй компасӧн прӧйдитас рифъяс да изъяс. Сталин киясӧн му весьтӧ кыпӧдӧм стяг Ленин туй кузя нуӧдӧ пыр коммунизмӧ. Тайӧ клятваыс вернӧй, кыдз ачыс народ, Мирса уджалысь йӧзлӧн кыдз сы дінӧ муслун... Кутас овны быд сьӧлӧмын Зодчӧй да Вождь, Память сы йылысь нэмъяс чӧж некор оз куслы.
Гижӧд
Бессмертнӧй ним
Жанр: 

lkejrlkelkrgner klrjnelknfrkl ekjnrjkenfrej

1