* * *
Бара кывтӧ Сыктыв вылысь йи, Шоныд зэрыс киссьӧ куим вожӧн. Кӧні, кутшӧм эрдын, муса пи, Колльӧдны тэ кутан коймӧд гожӧм? Гижан сӧмын вит кыв: «Ставыс бур, Узьӧ кӧть салдат, а служба мунӧ водзӧ»... Чужан му и тэнсьыд лӧз Амур Вунӧдлыны коркӧ ӧмӧй позьӧ? Унджык тӧдны, гашкӧ, оз и ков, Сы лыдын и аслад пӧрысь батьлы, Кодлы му шар джынйыс лыдтӧм во Висьтавны тшӧтш кутас ыджыд аттьӧ. Веськыд туйным некор дзик оз ор, Вуджны кӧть и бара ковмас биӧд... Пӧрысьмӧны мудзӧм батьяс кор, Кыпӧдчӧны на пыдди сэк пиян Сюся видзны ставсӧ, мый пыр том, Ыджыд правда йӧзлы водзӧ нуны. Воас кад, кор тышлы воас пом, Ыджыдавны кутас сӧмын тулыс.
Гижӧд
Бара кывтӧ Сыктыв вылысь йи...
Жанр: 

lkejrlkelkrgner klrjnelknfrkl ekjnrjkenfrej

1