ХХІ НЭМЫН ОЛЫСЬЛЫ
Мамыд сой вылын нюмъялан чӧла да он кор аслыд мусаджыкин, кыдзи расвывса бордтӧм на сьӧла, югыд шонділань веськӧдін син. Катя-Катенька, сӧмын на чужин овны му вылад зэв ыджыд нэм, кӧні шудыс и шогыс, и уджыс ставлы тырмымӧн, — унджык на эм. Ыджыд мамыд тшӧтш дзӧрыштас кинас, туйыд кыпыдӧн пыр лоас мед, лышкыд сьӧлӧмнас став бурсӧ сиӧ, кыдзи кыпӧдчысь дзоридзлы, тэд. Коймӧд тысяча во вылӧ петны колис эз уна тшупӧда пос. Ме ог тӧд, коркӧ овліс-ӧ светас, кыдзи библия гижӧ, Христос, но тэ лоан выль нэмын царица, он кут тӧдны нин миянлысь тӧжд, мыйла муыслӧн пуксьӧмсянь йитчис гӧльлӧн Правдакӧд озырлӧн Лӧж. Буретш та вӧсна бур вылас лёкыс оз ӧд омӧля ӧні на дур, ёна вынаджык вок ассьыс воксӧ да и чойсӧ тшӧтш кӧин моз пур. Муса Катенька, шонді оз чусмы, ваяс войтырлы выль асывводз, а мый миянлы пай вылӧ усьлі, сійӧс мӧдысь оз тӧдмав нин морт. Нюмъяв мамыдлӧн медмуса сывъяс, гажӧд бӧрдӧмнад ассьыныд горт! Аслам олӧмысь бурсиан кывъяс ме тшӧтш казьтыла, выль нэмса морт!
Гижӧд
XXI нэмын олысьлы
Жанр: 

lkejrlkelkrgner klrjnelknfrkl ekjnrjkenfrej

1