1991 ВОӦ ПЫРИГӦН
Кӧдзыдыс чужӧмӧс сотӧ, кокӧс тшӧтш йирӧ, кыдз пон, зарниӧн лӧсталысь вотӧс мичмӧдіс енэжлысь вон. Восьлала тэрмасиг сорӧн, кӧть и оз виччысь нин удж... Кок улын ас пӧлӧс горӧн шыалӧ туйвывса юж. Том кадӧй кольӧма бӧрӧ, кӧдзыдысь йизьӧ нин лов. Помнита, уджавны вӧрад ки шонтан кепысь эз ков. Пӧрысьыд абу зэв вӧрысь, — шулывліс меным дзор пӧль, — быдӧнӧс суӧдас пӧра, кор лоан вынйӧрнад гӧль... Эг ёна пыдди сэк пуктыв сылысь бур мывкыда кыв: сьӧкыда сьӧлӧмысь чуктӧ весиг и выль сьыланкыв. Челядьлӧн челядьлы сиа, мед быдӧн шуда да ён, морӧсса пачныс тшӧтш биӧн пӧрысьӧ нэмӧдзныс дон. Сэк сӧмын оз сибав яндзим, югыдӧн лоас юр вем, ме пыдди дона пи аддзас шуда 21-ӧд нэм!
Гижӧд
1991 воӧ пыригӧн
Жанр: 

lkejrlkelkrgner klrjnelknfrkl ekjnrjkenfrej

1