***


г. Сыктывкар, Коммунистическая, 26, кв. 5.

Размысловой Ангелине Прокопьевне.

27.10.1942 во.


Видза олан, Лина чой!

Тарыт тэсянь пӧлучиті кык объёмистӧй пакет, мый вылӧ висьтала ыджыд аттьӧ. Менам выль адрес: 285 полевая почта, часть 140, меным. Газетысь сідзжӧ аттьӧ! Быд номер, дерт, оз ков, но интереснӧйджык номеръяс, оз кӧ кут тэнӧ сьӧктӧдны, гежӧдыника мӧдӧдав. Эн дивит, мый бӧръя кадӧ куті гижны гежӧдджыка. Удж сьӧктаммис, а лунъяс пыр дженнявмӧны. Миян му чомъясын прамӧй би абу и дзескыд. Письмӧяс гижны и вообще канцелярияӧн занимайтчыны условиеяс эг на вермӧ лӧсьӧдны.

Олам пыр на важ местаын. Батальонӧн ӧні ог нин командуйт. Форсируйтӧм вылӧ шуисны аттьӧ да батальонӧс сетісны ыджыд лейтенантлы. Ӧні ме, кытчӧдзкӧ, кыдз «вольнӧй стрелок». Нинӧм вӧчӧм пыдди сетісны гӧтӧвитны снайперъясӧс. Ӧні гӧтӧвита. Праздник кежлӧ кӧсйысим лэдзны 18 снайперӧс. Лун-лун лыйсям. Тайӧ письмӧсӧ гижа стрельбище вылын, карбердса джуджыд сёнсянь.

Письмӧ помала ноябрь 4 лунӧ. Бӧръя лунъясӧ вуджим мӧд местаӧ, Пензаса ӧти сиктӧ. Дыр-ӧ тані кутам овны, ог вермӧй висьтавны. Овмӧдчим бура. Аски тані крестальнӧй праздник, и кӧзяйка начкис ыж да вовсю вердӧ яйӧн. Кӧсйӧ аски пӧжавны блин.

Неважӧн пӧлучиті пӧшта 2 номер газет. Аттьӧ!

Адрес пока важ. Юӧрт сійӧс гортӧ, оз кӧ тӧдны.

Висьтав чолӧм тэнад ёртлы.


Тэнад вок Ананий.

Ноябрь 4 лун, 1942 во.


Гижӧд
Видза олан, Лина чой! Тарыт тэсянь пӧлучиті...
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1