ЧУЖАН МУ

Чужан му кодь муса некӧн абу мӧд.
Оз весьшӧрӧ шусьы мамӧн сійӧ, тӧд!
Лунвывлань сёр арӧн кӧть и лэблас юсь,
Кыдз нӧ сылы бара чужанін оз усь.

Пӧткалы да зверлы мӧд му оз жӧ ков.
Шонтас морӧс бердас парма налысь лов.
Еджыд яглӧн сынӧд медся сӧдз да бур.
Медым биыд, тшыныд вӧр-васӧ оз пур.

Татшӧм ас да мича миян чужан му.
Видзӧй, челядь, видзӧй ичӧт шор да ю.
Медым помтӧм-дортӧм озырлуныд эм,
Радлун ваяс мортлы лыдтӧм уна нэм.