«ЛУННӦЙ СОНАТА»

Саша Осиповлы, коми композиторлы
Ачыс Ен сылы сетлӧма Татшӧм бур удж — Корсьны енэжысь, вӧр-ваысь Медмича шыяс. Саша Осипов... Сы йылысь Мӧд ног ог куж Юкны сьӧлӧмысь медся нин Мусаджык кывъяс. Быдмис батьтӧг да мамтӧг, А Шойнаты сикт Ассьыс муслунсӧ сы дінӧ Эз жӧ нин вунӧд, Катшасинъясӧн вӧччӧ кыдз Вежӧдысь видз Гожся асылӧ Троица лунӧ. Асьсӧ ворсысьсӧ Зэв ылӧ нуліс война, Коді жалиттӧг орӧдіс Сылысь став чуньяс. Кызьӧд нэм шӧрын, помнитам, Кутшӧм лёк ад Чӧвтліс дявӧл сэк ми вылӧ Шондіа июньын. Война кыссис зэв дыр, Киссис уна пӧсь вир, Лун и вой сійӧ помся эз куслы, Но дзик некутшӧм йир Да и некутшӧм би Сьыланкывкӧд тшӧтш вины Эз вермы пӧсь муслун. Эз нин чуньяснас Осипов Сашаным ворс Бетховеныдлысь «Луннӧй соната». Чужан кыв вылас, комиӧн, «Тӧлыся вой» Сылӧн ки пыдӧс корсьліс Да лоис зэв матыс. Ачыс Бетховен садьмис кӧ, Сывъяліс пыр Пианиносӧ ловзьӧдысь Чуньястӧм мортӧс, А ме синваӧс тэрмаси Кутыштны мырд, Медым ворсӧмсӧ Чуймӧмӧн видзны Бур ёртлысь. Зэв дыр олігад тӧдмалі ме, Вӧвлі мый да мый эм, Сьыланкывъяслысь кывлі нин Быд пӧлӧс горсӧ, Но ог вунӧд ме, Кытчӧдз оз помассьы нэм, Саша Осипов «Луннӧй соната» Кыдз чуньястӧг ворсӧ.
Гижӧд
Луннӧй соната
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1