ПИТИРИМ СОРОКИН
Ме вӧлі сыысь ёна том, Дзик ӧтчыд аддзылі, кор воліс, А миян Зӧвсьӧрт катыд пом Крут керӧс йылын гӧля оліс. А кытысь сылы озырлун, Кор гӧгӧр сӧмын гӧльнӧй лыа, Но, аддзывлан кӧ, оз нин вун, Кыдз Эжва сайын сувтӧ кыа. Крут керӧс йылӧ кайны ён Мед вӧлі тэнад мудзӧм кокыд. Со тан и быдмис удал зон Сюсь Питирим Сорокин. Водз воштіс ассьыс бать и мам — Лӧнь Зӧвсьӧрт сиктса мича аньӧс. Бур зонлы тшӧктіс овны сям Ен нимӧн милӧстина-няньӧн. Кӧть сьӧкыд вӧлі быдман туй, Нэр дзоридз пыдди ӧвтчис эжӧр, Но эз тӧд ичӧтысянь жуй, Дыр водзӧ сӧвмис сылӧн вежӧр. Кык революциялӧн би Да кык войналӧн вирӧсь юыс Да весиг Ленин-большевик Эз кежӧд сійӧс бӧрйӧм туйысь. И абу таысь сылӧн мыж, Мый рӧкыс нуис море сайӧ, Мед сэсся некор сылысь пыж Бӧр локны гортас эз нин вайӧд. Но Ыджыд Му шарлӧн быд пом Пыр кутас казьтывлыны сійӧс, А миян Зӧвсьӧрт зэв на том, Оз этша чужты татшӧм пиӧс.
Гижӧд
Питирим Сорокин
Жанр: 

lkejrlkelkrgner klrjnelknfrkl ekjnrjkenfrej

1