ДОБО АТИЛЛАЛЫ

Д. Атилла тӧдмӧдіс Коми пединститутса студентъясӧс мадьяр кывйӧн, ачыс велаліс гижны да лыддьысьны комиӧн
Вай пырав жӧ ме ордӧ, пырав Тэ, зэв ылысь веськалӧм гӧсть! Ӧд муслунным некор оз бырав Да пыр лоас ми костын пӧсь, Кӧть Хортиныд пысавны зільліс Тшӧтш ми вылӧ абутӧм мыж. Воронежад ковмис и сылысь, И Гитлерлысь тшӧтшӧдны гыж... Ӧд паметьысь некор оз куслы Блиндажын быд колльӧдӧм вой, Кор ми Бела Иллешкӧд юклім Кык сьӧлӧмысь ӧтувъя дой Да ӧти шынель вылӧ водлім, А мӧднассӧ шебравлім кок Да мӧвпалім, миянысь кодлы Рӧк козьналас шуд либӧ шог. ...Вай пуксьыв жӧ, лок пызан бердӧ Тэ, зэв ылысь веськалӧм гӧсть! Ме сійӧн, Атиллаӧй, верда, Тэ тӧд, мыйӧн ми озырӧсь. Дерт, тшак вая, турипув, мырпом Да вугырӧн кыйыштӧм гыч. Ӧд пызанным абу дзик тыртӧм, Кӧть олӧмным и дзескыдджык! Ӧд ми ӧти рӧдвужысь петім, Мед пыр юкны нянь да и сов. Мый донаджык эм паськыд светас, Кор вокъяслӧн сывъясьӧ лов!
Гижӧд
Добо Атиллалы
Жанр: 

lkejrlkelkrgner klrjnelknfrkl ekjnrjkenfrej

1