МАМЛӦН МОЛИТВА
Челядьдырся воясӧс кӧ йитла, Гӧрддзасяс нэр вежӧркӧд и сям. Помнита, кыдз лыддьыны молитва Водіг-чеччиг велӧдліс бур мам. Вичкоӧ ме сыкӧд жӧ и ветлі, Морӧс вылӧ тэчи пернапас. Збыльысь, быттьӧ Енмыс меным сетліс Ловзьыны, кыдз ловзьӧ быдмысь рас. Татшӧмторлы колӧ вӧлі лоны: Вичколы да Енлы воис пом! Сьӧлӧмӧй эз ранитчы кӧ ёна, Гашкӧ, сійӧн, вӧлі зэв на том. Век жӧ, быттьӧ югыдлуныс вошис, Шондіыс эз важ моз петав гырд. Идолъясыд зыргисны, мед ошки Адысь петӧм вождьясӧс ме пыр. Ачым вӧлі мыйтакӧ да мыжа, Лолӧс грекӧ вӧйтӧмысь эг вен... Менам мыжӧй абу сэтшӧм ыджыд, Прӧща, гашкӧ, вермас сетны Ен. Синъяс водзын вежласис пыр нэмным, Пыдди эз и пуктывны, мый грек. Вӧтлісны быд сьӧлӧмысь, юр вемысь Шулісны мый Ен вежалунӧн век. Вывті сьӧкыд сӧмын кор нин лоліс, Нинӧм тасдор югыдыс эз ков, Перымса Степанлӧн крестыс воліс Медся сьӧкыд кадӧ видзны лов.
Гижӧд
Мамлӧн молитва
Жанр: 

lkejrlkelkrgner klrjnelknfrkl ekjnrjkenfrej

1