РӦДИНАЛЫ
Пыдӧстӧм эрдъясын нюжалін тэ, Паськыда, озыра, чужан му, менам, Код дінӧ радейтӧм сьӧлӧмын эм, Тэ йылысь дум менсьым дзик ставсӧ венӧ. Радейтӧм пыдӧстӧм, дона да пӧсь, Мамсӧ кыдз радейтӧ муса пи ёна, Сійӧн и сьылӧм шы рӧдина весьт Сынӧдлань кыпалӧ лэбачьяс горӧн. Сійӧн и сьыланкыв помавтӧм кузь Кокньыдик бордъяснас кытшовтӧ мусӧ. Сійӧн и гӧлӧсӧй менам оз мудз Сьывны тэд, муса му, кывбурын шудтӧ. Кыптас кӧ тэ вылӧ, чужан му, грӧз, Шуштӧм сьӧд кымӧрыс ӧшӧдчас вылад, Кыдзи и став Сӧвет мувывса йӧз, Тэнсьыд ме гӧлӧстӧ, дона му, кыла. Ёсьта сэк кывбурлысь гымалан зык, Чардби кодь лоас мед враг дінӧ лэчыд, Шинеля морӧслань топыда штык, Строй пытшкӧ сувта кыдз колӧ боецлы. Ӧні жӧ быдмы тэ, дзордзав да сьыв, Шудыд мед оравтӧг кывбурын кылӧ. Менам жӧ тэ йылысь збой сьыланкыв Горалӧ гажаа, мичаа, ылӧ.
Гижӧд
Рӧдиналы
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1