ПӦРЫСЬ ЙӦЗЛЫ ПРИЮТ УЛЫС ЧОВЙЫН
Пӧрысь йӧзлы приют Улыс Човйын, мӧд ног шуны кӧ нин — интернат, кӧні нэм помӧдз тӧждысьтӧг овны эськӧ ачым тшӧтш вӧлі зэв рад. Ӧтнас пӧрысь пӧч эндӧма важӧн, ветеранлы оз тырмы мӧд кок... Эз кӧ вӧв тані кыпыд да гажа, дзор учительыд эз жӧ, дерт, лок. Кодкӧд сӧмын тэ тані он аддзысь, олӧм сертиыс кодӧс он тӧд! Чорзьӧм киясас бырлывтӧм гаддьыс ставлы ӧтмоза лоӧма рӧд. Государство сӧветскӧй тэ миян! Пӧсьджык кывъяс ме корсьны ог куж аттьӧ висьтавны, эг кӧ вӧв пиӧн да эг тэнад пӧсь эрд вылад чуж. Пӧрысьлунсьыд он некытчӧ пышйы, кӧть и сувтӧдлан ас водзад мог... Райын олысьяслӧн синъяс пытшкысь, век жӧ, казяла шыасьтӧм шог. Вежон помын, кор шойччӧны быдӧн да оз тэрмасьны эновтны поз, пӧрысь йӧз абу шойччысьяс лыдын, найӧ садьмӧны быдӧнысь водз; найӧ дзоргӧны ӧшинь ув йӧрсянь, оз-ӧ пи либӧ ныв налӧн лок?.. Оз-ӧ медічӧт сьӧлӧмшӧрсӧ татчӧдз вайӧдлы сӧвмыштӧм кок?.. Но оз кывны бур нывъяс да пиян пӧрысь бать-мамлысь инасьтӧм дой... Чӧла чышкалӧ пӧч дзӧран кинас чужӧм вывтіыс исковтан войт... Муса челядьлысь нинӧм оз корны найӧ, кодъяслӧн помасьӧ нэм… Позьӧ му вылад унатор ёрны, сӧмын челядьлы прӧща пыр эм!
Гижӧд
Пӧрысь йӧзлы приют Улыс Човйын
Жанр: 

lkejrlkelkrgner klrjnelknfrkl ekjnrjkenfrej

1