КУРЫД КУШМАНЛЫ ОШКАНА КЫВ
Пызан вылын курыд кушман тертукаӧн зырттӧг рушмӧ, оз чезыртӧд ныр, а ӧд менам пӧчлӧн-пӧльлӧн вӧлі озырлун и гӧльлун буретш сійӧ пыр. Кытысь вӧлі налы яйыс, эз кӧ усьлы сылӧн пайыс кушманысьсӧ бур? Тшакӧн, пувйӧн, азя шыдӧн содтылісны сэсся быдӧн пызан вылас нур... Мисӧ лоим вывті тшапӧсь, уджалігӧн новлам шляпа, корсям сӧмын яй, кӧть и медбур ресторансӧ миян кушманыд оз янӧд, оз кор куим шайт. Талун бара кушман зырта, медым синваӧс пыдзыртлас, нюмъяла, ог бӧрд. Мед шуасны: юис вина, (тьпу-тьпу, — эз на гуӧ инась!) ныр йылӧй кӧ гӧрд.
Гижӧд
Курыд кушманлы ошкана кыв
Жанр: 

lkejrlkelkrgner klrjnelknfrkl ekjnrjkenfrej

1