МЕДЫДЖЫД МЫЖ

Фронт вылӧ мунігӧн сійӧ, Василий
Мезенцев, пышйис печораса пармаӧ
да дзебсясис матӧ 20 во...
Важӧн сынасьтӧм, дзугсьӧм тошка корсьны бать-мамлысь эндӧм поз петӧ пармаысь шатун ош кодь ассьыс нимсӧ тшӧтш воштӧм морт. Сійӧ полӧ ас кокъяс шысьыс, синмас пӧртмасьӧ гудыр сер... Мед Печораӧдз петтӧдз тыас вошӧ век кежлӧ тшӧтш и чер, кыдзи вошис, мый вӧвлі, важӧн, тырмис пармаысь петны вын... Кызь во дзебсясис олӧм гажысь да пыр ньылаліс бипур тшын. Паметь пыдӧсас, дерт жӧ, кутӧ сійӧс, мый дзикӧдз кыскис йир... Война пансигад чужан мутӧ оз тай окавлы дезертир! Сійӧ пышйис том ёртъяс дінсьыс, вуджис эз ӧти яг и нюр, медым сӧмын оз тышын вины, бурджык, вӧрын кӧ воштас юр. Война йылысь эз нинӧм кывлы, кыдзи помасис сійӧ, кор... Петіс вӧрысь да шуис: — Лыйлӧй… Милӧсть некодлысь ме ог кор!.. Бур йӧз сьӧлӧмын лӧглун пузис, кыдзи сӧнъясын пузьӧ вир... И Печоралӧн эз жӧ узь ӧд арся ру пытшкӧ дзебсьӧм йир. Тшӧтш и сылы тай лоӧ тӧдны чужан муыслы вӧчӧм дой... Ӧти чукӧрӧ эськӧ лӧдны дезертирлысь быд лун да вой! Но ӧд асьсӧ и ачыс ёрис, кыдзи урӧсмӧм, пежӧсь пон... Медлёк мыжсьыд, дерт, водз кӧть сёрӧн ковлӧ мынтыны ыджыд дон! ...Ставсӧ артыштіс суд да шуис, — сылӧн пригӧвӧр эз ло ныж! — медым нэмсӧ нин ачыс нуас чужан му водзын ассьыс мыж.
Гижӧд
Медыджыд мыж
Жанр: 

lkejrlkelkrgner klrjnelknfrkl ekjnrjkenfrej

1