ДОКТОРЛЫ, КОДӦС ВИИС РАК

И. Л. Вахнинлы, И. Н. Сухановлы,
И. И. Чебановлы, Г. Н. Орловлы —
миян медводдза докторъяслы сиӧма,
кодъяс водз кувсисны.
Йӧзлы ставсӧ нин сетӧма, налы ставсӧ жӧ мынтӧма, ачыс эбӧссьыс петӧма, ачыс чеччыны вынтӧм нин... Яндысь, доктор, вай кыпӧдчы, коркӧ, помнитан, шулывлін: «Кылан, ывлаыс кышӧдчӧ кадысь водз воӧм тулысӧн!..» Босьтлы скальпельтӧ киясад да дзор юрсинад тракнитлы, оз ӧд этша на виавны дона войтыртӧ ракъясыд!.. Мыйла куйлан да чӧв олан, ёна сьӧкыда лолалан, уна гожӧм да тӧв волас, тэ пыр ёнджыка колан на... А ӧд кымын морт тэнӧсӧ, еджыд паськӧма докторӧс, коркӧ виччысис енмӧс моз, кор нин на дінӧ локтан тэ! И быд висьысьлысь войтӧн да аслыд куралін висьӧмсӧ, узьны эз и быд вой тэныд найӧ сетлісны, мися, тай. Ошкан кывъясысь полін тэ, эн и некодсянь виччысьлы, кӧть и ставнас бур олӧмыд вӧлі ӧтторъя мичлунӧн. Абу пом мортлӧн вынйӧрлы, сійӧ кыпӧдчис космосӧдз, а вот аслыс пеж вирусысь кадысь водз лоӧ косьмыны! Коркӧ, дерт жӧ, и ракъястӧ, кыдз и йӧз костын тышъястӧ, чорыд росъясӧн расъясны да став му вывсьыс чышкасны. Сэк, дерт, зарниӧн гижасны, доктор, тэнӧ тшӧтш, тӧда ме, медым из пиас йиджас да шонді кустӧдз оз сьӧдасьлы!
Гижӧд
Докторлы, кодӧс виис рак
Жанр: 

lkejrlkelkrgner klrjnelknfrkl ekjnrjkenfrej

1