ЧОЙЛӦН ПИСЬМӦ ВЫЛӦ ВОЧА КЫВ

Мариялы.
Пристаньсянь сиктӧ кайигӧн керӧсыс ёна крут, ордымыс сэтчӧ вайӧдас, веськыдвыв сӧмын кут. Мӧдарлань оз ков сетчыны, сыланьын васӧд оль. Кыкысь «Заряыд» лэччылӧ, катігас оз жӧ коль. Дзикӧдз тай чойтӧ вунӧдін, гижа, мед аддзан горт... Карыд нин тэнӧ сунӧдіс, вӧвлін кӧть сиктса морт! Лунысь-лун месӧ пӧрысьма, сизимӧд тырта дас, эз нин коль ӧдйӧ вӧрысьлӧн ни ӧти тӧдса пас. Водзджык ме тэысь кувся кӧ, юӧрыд дыр оз лэб, — волы жӧ сэк кӧть, кывсяс да, бать-мамкӧд орччӧн дзеб. ...Лыддя бур чойлысь гижӧдсӧ, тӧдмала сылысь мог, сьӧлӧмӧс ассьым йизьӧдӧ шог. Ставсӧ, мый тӧда, висьтавны сы йылысь ме ог кут. Тэнӧ мӧй коркӧ мисьтӧмтліс кутшӧмкӧ ӧти чут? Верӧстӧг кольӧм дӧваыд быд грездын кымын дас? Кодлӧн кӧть сэсся пӧв абу, — менымсӧ быдӧн ас... Прӧща, дерт, тэнсьыд кора ме, копыртла дзормӧм юр, козъясыд весиг ёрасны, чужан сикт оз кӧ сюр. Помнита векни ордымтӧ — пристаняд лэччанін, вайӧдісны жӧ горт дінӧдз эз кӧ вӧв, шуам, син, ыбыс и зарни кодзулыс, бать-мамлӧн дона гу, кытысь ме нуи содз вылын китыр джын дона му... Кувнытӧ оз ков тэрмасьны... Муса чой, сё во ов, сы бӧрын мед на вермасьӧ висьӧмкӧд тэнад лов!
Гижӧд
Чойлӧн письмӧ вылӧ воча кыв
Жанр: 

lkejrlkelkrgner klrjnelknfrkl ekjnrjkenfrej

1