НЫВБАБА МУСЛУН ЙЫЛЫСЬ

1919 воын Печора вылын пӧгибнитіс Уралса
продотряд, ӧтлаын лыйлісны комиссар Сергей
Морозовӧс да сылысь гӧтыр Екатерина Морозоваӧс.
Помнитӧ Печора кольӧм шуштӧм кад, кор лёк враглы пленӧ сюри продотряд. Ленин индӧд серти, — тшыглы мед эз ов! — татчӧ йӧзлы сійӧ вайис нянь да сов. Войвылын гражданскӧй муніс чорыд тыш, мылдінса кулакъяс ёсьтісны жӧ гыж, виччысисны найӧ тӧвся йирмӧг вой биӧн-вирӧн панны ассьыныс пеж койт. Куим кыв кӧть орччӧн ёрччытӧг эз йит, комиссар Морозовлы горӧдіс бандит: — Ас вӧлянад сетчы... Водзсасьны оз ков... Гӧтырыдлысь, ен вузалысь, кӧсъян видзны лов? Воча кывлӧн доныс сыысь эз тай чин, кодӧс комиссарлӧн сетіс карабин, но бандитъяс чукӧр — жер пиня сё пон — продотрядысь вӧлі, дерт жӧ, вывті ён. Гӧрд боецъяс усялісны ӧти бӧрся мӧд, и Печора берег лои вирысь гӧрд. Комиссарлы медводз воис кувсян здук... Гӧтырыслы шуис: —Курыд шуд эн юк, Катя... Сэк, кор югдас парма, сылӧн сай, дзоридз чукӧр менам гу вылӧ тшӧтш вай... Эз, эз бӧрддзы Катя, роч Уралса ныв, верӧсланьыс нюжӧдіс сійӧ ассьыс сыв: — Миянӧс оз торйӧд сувтса синма змей... Шуӧма кӧ кувны, — ӧтвылысь, Сергей!.. ...Кылаліс нин бӧрӧ морт нэм мында кад, но Печора дорысь оз вешйыв салдат, пыр сывъялӧ кодӧс енэжлӧн лӧз вон. Нывбабалӧн муслун быд изйысь на ён!
Гижӧд
Нывбаба муслун йылысь
Жанр: 

lkejrlkelkrgner klrjnelknfrkl ekjnrjkenfrej

1