СЫНЯ ПОСЁЛОКЫН КОНЦЕРТ
Быдӧнлы сьӧлӧм тыр любӧ юӧрыс козьналіс, дерт: Сыня посёлокса клубын талун пӧ лоас концерт. Локтісны гырысьяс, челядь. Колис кӧть неыджыд здук, быд пуклӧс кык да джын пельӧ босьт да кӧть пырысь-пыр юк. Збыль мӧй артистъясыд шоча Сыняӧ корсьлӧны туй: турӧблӧн ойзӧмлы воча войвылад петны оз туй! Сылысь пыр ыдждалысь шысӧ орӧдіс сьыланкыв гор, некутшӧм мӧд сикас мытшӧд йӧктысьясӧс эз-ӧ кӧ торк, быттьӧкӧ тӧв шӧрын сыліс Сынялӧн сыв кызта йи... ...Сэк буретш люстраяс йылын виччысьтӧг кусіс друг би. Орис и кыпыда йӧктӧм, помасис мича концерт... Сё мортлӧн вынйӧра тшӧктӧм: — Йӧктӧй на... Йӧктӧй на... Йӧктӧй!.. — Ланьтлыны гажлы эз сет. Вӧлі кӧть гуын кодь пемыд, кодзувлӧн югӧр эз письт, первойысь тадз аслас нэмас йӧктіс да сьыліс артист. Сэн, кӧні турӧбыс шӧйтӧ, сылӧн и буалӧ гор, асьныс пӧсь сьӧлӧма войтыр вӧчӧны шензянатор.
Гижӧд
Сыня посёлокын концерт
Жанр: 

lkejrlkelkrgner klrjnelknfrkl ekjnrjkenfrej

1