ПОЕЗД МУНӦ КИЕВӦ
Петӧ Москваысь войын Киевлань тӧвзьысь поезд. Виччыся буретш сійӧс, пукала, ог тай узь, ньӧбӧм билетӧй киысь, пола, мед оз жӧ усь. Меным мӧй, сідз кӧ шуны, нуӧмысь сетны дон? Эз ӧд на, чайта, вунӧд зэв лӧня кывтысь Дон; Днепр бердса важ блиндажӧй паметьысь эз на быр, эз ӧд на вывті важӧн гымав сэн война ныр. Ой, Украина-муӧй, коляс кӧть унджык во, некор, ме сёысь шуа, ылысджыкӧн он ло! Коркӧ мӧй муслун куслӧ, кӧдзалӧ, кыдзи гор? Днепр вӧсна косьын уси медмуса менам ёрт. Помнита ставсӧ бура, дойдны важ дой ог сет!.. — Могтӧгыд, дзормӧм юра, гортсьыд тэ эн жӧ пет?.. Висьтасьны, дерт нин, корас зон либӧ мича ныв. Некод жӧ сэк оз орӧд дженьыдик воча кыв: — Кевмысьны енлы важӧн Киевӧ ветліс дед. Пода туй эз кӧть гажӧд, шудлунсӧ ен эз сет... Юрбитіс Лавра вылӧ пармаысь воӧм морт. Кольліссӧ сэсся сылы сӧмын нин гу да горт... Киевлань туй жӧ кута, сӧмын тай могӧй мӧд: окавны кӧсъя мусӧ, коді быд муысь рӧд... Петӧ Москваысь войын Киевлань тӧвзьысь поезд. Виччыся буретш сійӧс, пукала, ог тай узь... Сьыланкыв, сідзкӧ, миян туйсьыс на лоас кузь!
Гижӧд
Поезд мунӧ Киевӧ
Жанр: 

lkejrlkelkrgner klrjnelknfrkl ekjnrjkenfrej

1