ВАЖ ОЛӦМЛЫ ПАМЯТНИК
Сиктлӧн важ олӧмлы памятник пыдди сулалӧ вичколӧн эновтӧм шой, сы йылысь некод кӧть, тӧда, эз лыддьыв, кор тані гымаліс вир кисьтан бой. Месӧ, дерт, помнита комынӧд вояс, енкӧд да вичкокӧд зэв чорыд вен, выль олӧм сиктӧ кор зумыда воис, эз ковмы том йӧзлы абутӧм ен. Ылӧ мед вешъясны пемыдлун, гӧльлун, вичко оз сьӧдӧд гӧль морт юрысь вем, асланыс синъясӧн аддзасны пӧльяс, кыдз налӧн челядьлы воссяс выль нэм. Дерт жӧ, эг сідз, кыдзи колӧ, сэк вӧчӧй, — уськӧдчим жыннянъяс гылӧдны пыр: сюра антикристъяс нимтісны пӧчьяс сійӧс, код ярлуннас вӧлі сэк тыр. Ӧні ми каитчам, сӧмын тай сёрӧн, весьшӧрӧ курччалам чунь помысь гыж: збыль быттьӧ миянӧс енмыс и ёрис, — вичкояс пӧрӧдны гыж лои ныж. Чуймӧдӧ пӧльяслӧн зэв важся уджыс, Эжваса нӧрысъяс гажӧдысь мич... Эскыны енлы, дерт, важӧн ог кужӧй, важ ног ог кужӧй и тэчны... кирпич. Миянӧс, челядь, эн янӧдӧй ёна сыысь, мый вӧчлім и кутшӧмкӧ мыж: тэрмасим талунъя олӧмӧдз воны, кутны эг вермыштлӧй би борда пыж.
Гижӧд
Важ олӧмлы памятник
Жанр: 

lkejrlkelkrgner klrjnelknfrkl ekjnrjkenfrej

1