ТӦВСЯ ПАРКЫН
Думайтанныд, йӧз сьӧлӧмысь муслун, пӧрысьми да, ӧні ог нин кыв... Син водзаныд эз мӧй коркӧ усьлыны скамья вылын кыкӧн — зон да ныв? Ӧта-мӧдлань топӧдчисны найӧ, сёрнианыс — тӧждысьӧм да шог: нывлы колӧ мунны верӧс сайӧ, верӧспунас лоны зонлӧн мог. Кӧні налы ӧтвылысьсӧ овны? Мыйла нӧ оз юав некод, оз, сы йылысь, мый том гозъялы ковмас юръяс сюян неыджыд да поз. Чужан сиктныс кыкнанныслӧн ылын, кыскис найӧс аслас сывйӧ кар, кӧні ёна ыджыд стройка вылын колльӧдісны таво нёльӧд ар. Муслунтӧ оз жугӧдны приказӧн, сійӧ чужис, сійӧ эз вӧч мыж, сьӧлӧмъясас поздысис кӧ важӧн, кокньыд руӧн некор оз ло рыж. Оланінъяс карысь ог ме юклы, тӧда, тайӧс вӧчӧ горсовет... Весьшӧрӧсӧ ньӧти ог жӧ суклясь, висьтала кӧ, мыйла нӧ оз сет медводз налы, кодъяслы и колӧ козин пыдди оланінысь ключ... Ордерысла тэрыбджыка волас уна пӧлӧс чина мудер руч. Тӧвся паркысь локта сьӧлӧм дойӧн, — пузьылас тай коръяскӧ на вир, кӧть и зарни тӧлысь бара койӧ лымлӧн еджыд эшкын вылӧ дзирд.
Гижӧд
Тӧвся паркын
Жанр: 

lkejrlkelkrgner klrjnelknfrkl ekjnrjkenfrej

1