ФИННЪЯСЛӦН ПЫВСЯН
Важысянь татшӧмтор зэв ылӧдз кывсьӧ, свет вылас медбур пӧ финнъяслӧн пывсян. Му вылас ачым ме вель дыр нин ола, пывсьыны уна бур пывсянӧ волі. Збыль, пыр на помнита, йи кутан арын шудлун Суомиса нуӧдліс карӧ... Гӧстьӧн ме шуси, а гӧстьлы сэн колӧ пывсянӧ кежавны, дерт жӧ, быд волӧм. Асныра вӧв моз ог бӧрыньтчы; мися, жарысь ог пов, сійӧ оз кӧвъяв висьӧм! Корӧсьӧн ачымӧс кучкала зіля, торйӧн нин сэт, кыті важӧн оз гиляв. Сы бӧрын — дивуйтча! — йи кӧдзыд ваӧ пыравны кыссьӧны, ты пытшкӧ, ставӧн... Финн вокӧй медводз тай кок чуньсӧ вӧйтліс, пӧлясис дыр, йиа ва вылас вӧйпис; хант да карел, кӧть и вӧліны ярӧсь, сывны эз чайтны нин пывсянса жарысь; Таллинысь вок йиӧн кеняссьӧм тыӧ пыравны, казялі, эз весиг шыась; удмурт, бур вок менам, кӧдзыдысь повзис, морӧсас лов гӧныс чукӧрӧн ловзис... Меным тай, думышті, видлыны тайӧс, вокъяслӧн тшӧтш уси, тыдалӧ, пайыс, — бузгыси тыас, кыдз Комиын, гортын толаӧ бузгысьӧ мужичӧй мортыд... Йиа ва сотӧ, но киясӧн сына, тушаӧй зэвтчӧма вӧвлытӧм вынӧн... Мед сэсся горзӧны, мыйта кӧть колӧ, — пывсьӧй да дзоньвидзаясӧн олӧй! Финнъяслӧн пывсянӧн тӧдмаси бура... Кысь аслам пывсян кодь мӧд сэтшӧм сюрӧ!
Гижӧд
Финнъяслӧн пывсян
Жанр: 

lkejrlkelkrgner klrjnelknfrkl ekjnrjkenfrej

1