ЕДЖЫД ВОЙ ВОРКУТАЫН

«Севернӧй» шахтаысь Социалистическӧй
Уджвывса Герой Александр Кармановлӧн
бригадалы.
Еджыд вой Воркутаын, кӧть синтӧ эн куньлы, асъядорӧдзыс ывлаын, кӧсъян кӧ, шӧйт. Татшӧм дивӧыс овлывлӧ сӧмын июньын: енэжтас сайӧ шондітӧ мырдӧн он вӧйт. Тэ он жалит, мый тундра оз гажӧд веж садӧн, но быд дзоридзлы козьналӧ сё югӧр войт. Бара лэччӧдас шахтаӧ ассьыс бригада багатыръяслӧн рӧдысь Карманов-герой. Зумыд кияса зонъяслӧн асланыс муслун, кодӧс пестыны сьӧлӧмас оз быдӧн куж. Налӧн из шомысь чуктӧдӧм шонді оз чусмы, кӧть и ыдждавны кутас нин аръявыв пуж. Гашкӧ, збыль мортӧс мичмӧдӧ шонділӧн гожыс? Но шахтёръясӧс мичмӧдан асланыс пас: талун сетасны налы нэр дзоридзлысь розъяс сэк, кор эрд вылӧ кыпӧдчан воас нин час. Медым мудзыс и са чутыс тырмымӧн ӧшъяс, — мудзтӧг, шуласны, шудлуныд дженьыд да ляб. Тӧда, бара Карманов бригадалы ӧзъяс кузь копер вылӧ кыпӧдӧм дӧлалысь флаг. Еджыд войтӧ, кор войвылӧ волан, он вунӧд, ме жӧ аддзылі ыджыдджык вунӧдӧмтор... Медводз меным сет славатӧ му пасьта нуны, кодӧс шедӧдін тэ, воркутаса шахтёр!
Гижӧд
Еджыд вой Воркутаын
Жанр: 

lkejrlkelkrgner klrjnelknfrkl ekjnrjkenfrej

1