ОШВОР
Воркутаӧ вотӧдз — Ошвор полустанок, кӧрт туй бердӧ сувтіс ыджыд обелиск. Поезд ӧдйӧ тӧвзьӧ бушколыслы паныд, Ошворӧ оз сувтлы... Но быд машинист, обелисккӧд орччӧн поездыс кор воас, гора тутсан шыӧн шызьӧдас куш нюр, медым быдӧн, быдӧн, коді матын лоас, сулалыштас чӧла, копыртӧмӧн юр. Уна дона пасъяс чужан му быд помын! Сійӧс, кыдз тан муніс вир кисьтана тыш, ми кӧ сэки вӧлім арлыднаным томӧсь, помнитӧ Полярнӧй матын куйлысь кытш... Вой кыалӧн югӧр тіраліс да пессис, кӧть и вӧлі тулыс, Усва воссян кад, Комиӧ Сибирысь Урал изйӧд весьтас Сергиенко зілис петкӧдны отряд. Ачыс — украинец, комияс да рочьяс, мансилӧн да хантлӧн уна муса пи, нывбабаяс, челядь... Обь выв биын сотчис, сэтчӧс кулак котыр шонтіс вирӧсь ки! Кыдзи кӧръяс бӧрся вӧтчӧ кӧин чукӧр, вынысь петӧм йӧзӧс кытшаліс тан враг. Отсӧг вылӧ некод некодӧс эз чукӧст, — ёна ылын шувгис Эжва бердса яг! Усва керӧс йылын ӧти ыджыд гуыс сизимдаслысь босьтіс сизимдас пӧсь шой, сы вӧсна и тайӧ миян кӧдзыд муыс видзӧ дона гусӧ, кыдзи ыджыд дой.
Гижӧд
Ошвор
Жанр: 

lkejrlkelkrgner klrjnelknfrkl ekjnrjkenfrej

1