КОМИ АНЬ

Кебанъёль посёлокысь Тамара Михайловна
Попова, коді нэмсӧ уджаліс вӧрын, мӧдӧдіс Мир
доръян фондӧ 2000 шайт.
Ылыс посёлокын нывбаба олӧ, комиӧн сёрнитысь ань. Гӧститны коркӧ ті сы дінӧ волӧй, коді зэв лышкыд да шань. Быдӧнӧс пуксьӧдас пызанъяс саяс, ваяс, мый гӧбӧчас эм, вердас да юкталас пармаса чайӧн, кутшӧмӧс эн юлыв нэм. Висьтасяс, кӧмтӧг да пасьтӧг кыдз быдмис, киас водз веськаліс чер, некор эз вермывлы артавны лыднас юясті кылӧдӧм кер. Медбӧръя кызь восӧ увйысис ягын, ньылаліс бипурысь тшын. Удж сылы ичӧтсянь козьнавліс радлун, сойыслы содтыліс вын. Пенсия сетӧны ӧні — и бурӧс, тырмӧ тай быд пӧлӧс юм... Салдатысь локтӧдзыс, век жӧ, оз вурӧд пиыслы моднӧй костюм. Сьӧлӧмсьыс, висьтасьӧ, тӧждлунлӧн гӧрӧд здук кежлӧ сылӧн оз ям, помнитӧ: вурунысь медбӧръя чӧрӧс фронт вылӧ мӧдӧдліс мам. Мед эськӧ некор войналӧн пеж вуджӧр мир туй оз вудж, кыдз сьӧд кань... Ставсӧ, мый чукӧртліс зэв сьӧкыд уджӧн, сетӧ Отчизналы ань. Копыртлам юрнымӧс нывбаба водзын, коді со татшӧм и эм, войвывса енэжысь медъюгыд кодзув югдӧдӧ сылысь став нэм.
Гижӧд
Коми ань
Жанр: 

lkejrlkelkrgner klrjnelknfrkl ekjnrjkenfrej

1