ПЕЧОРАСА ЮКВА
Эм Печора вылын сикт, абу сикт — посёлок, кыдзи гора нима стих вӧвлӧм Мылдін олӧ. Сэсянь, мый кӧть сэсся шу, звӧнитӧны войын: — Важӧн воссис миян ю, волы юква сёйны!.. Важ ногӧн кӧ, витсё верст сэтчӧдз Сыктывкарсянь, ылыс туяд водзті, дерт, петавлісны арсянь... Ӧні нуас збой кӧрт вӧв весиг зэра лунӧ, самолёттӧ медъяр тӧв часнад оз и суӧд. Повтӧг пукси пырысь-пыр сынӧдвывса доддьӧ, быттьӧ ме кутшӧмкӧ тыр Его благородье. Ӧти кывйӧн, часӧн тшук Мылдінӧдзыд вои, юква пайӧс, дерт, эг юк, ыджыд тасьті сёйи. Уджйӧзаӧн бӧр эг пет ёртъяс пызан сайысь: сӧмын сійӧ ӧд поэт, коді радлун вайӧ! Ошка ассьым чужан му, коді татшӧм ыджыд, коркӧ и Печора ю вуджлі дзибрӧс пыжӧн; ошки ассьым олан ног, ёртъяслысь бур служба, мися, некор оз вен шог, вынаджык кор дружба, ӧтсӧгласӧн ставным сэк волысьны пыр шуим, и эг вӧчӧй ыджыд грек, стопкатӧ кӧ юим. Татчӧс юкваыд оз вун, кыдз сійӧс он ошкышт, пӧртйӧ эз кӧть сьӧмга сун, пуим йӧрш да ёкыш!
Гижӧд
Печораса юква
Жанр: 

lkejrlkelkrgner klrjnelknfrkl ekjnrjkenfrej

1