ОГ ВЕРМЫ ЧӦВ ОВНЫ
Кор кӧнкӧ бара киссьӧ вир, а мусӧ чишкалӧны биӧн, ме тӧда, войтыр костысь мир пеж дявӧл кисьтӧ аслас киӧн. Ог вермы кутны ассьым дой да сьӧлӧм пытшкысь скӧрлун пыкны, кор бара куйлӧ мортлӧн шой, а вӧля сетӧма ёсь штыклы. Мед тайӧ сэн кӧть, кӧні жар, яр шонді негрӧс сытӧг сотӧ, кӧть сэтшӧм муын, кӧні ар — Ливанын, кӧні воис вотӧс, Ӧд быдӧн му шар вылад ми, кыдз ӧти керка помын, олам, и ставным, пуля мед оз ви, быд кага вӧсна ёна полам. Но штык да пуля кындзи, эм сё вына бомба да ракета... Тшӧтш йӧзӧс вины кызьӧд нэм пеж дявӧл киӧ найӧс сетіс. Да коді сійӧ, кутшӧм зверь пеж дявӧлыс, да кымын сюра, став войтыр вылӧ ад горш жер, кор сылӧн гундырлӧн кодь юрыс? Оз киӧн индыны тай ков, выль мулань кыдзи сійӧ уйӧ... Войналӧн пӧтлывтӧм лёк лов со бара пӧльтчӧ аслас туйын, мед сӧдз Индийскӧй океан гырд лоис войтырлӧн жӧ вирӧн, и выльысь ловзьӧм Тамерлан оз прӧста горшлунысла тірав... Но тырмас бур войтырлӧн вын выль биысь му шар сюся видзны, мед некор взрывъяслӧн лёк тшын лӧнь сӧстӧм енэжлань оз сидзлы. И ме ог вермы овны чӧв да дзоридзлы сонетъяс сьывны... Быд югӧр шонділӧн, кыдз ньӧв, тшӧтш сутшкас пежӧс лэчыд йывнас!
Гижӧд
Ог вермы чӧв овны
Жанр: 

lkejrlkelkrgner klrjnelknfrkl ekjnrjkenfrej

1