ВОРКУТАСА «РУСЬ» РЕСТОРАНЫН
Гӧститам войвывса карын, — вӧтын оз тшӧкыда усь! — пукалам выль ресторанын, ним кодлы сетісны — «Русь». Ывлаас скӧралӧ турӧб, лым гартӧ — син ни пель, кӧть и лёк Войпельлӧн дурӧм сьӧлӧмад абу нин жель. Вайӧны кузь пызан вылӧ пӧтка яй, черинянь, азь, ставсӧ, мый кыв йылад сылӧ, сёй, ылысь веськалӧм князь! Сьӧлӧмъяс бурмӧдӧ ставлысь важ ногӧн лӧсьӧдлӧм нур. Войвывса роч Ярославна вайӧ и ас вӧчӧм сур. Некодӧс некод оз вомдзав кыпӧдны медводдза тост. Кӧсъян кӧ тэ, пызан помсянь сур тыра яндӧва босьт! Медводз, дерт, татчӧс шахтёрлы сиӧны медыджыд шуд, сылӧн мед некор оз орлы сьӧлӧмсӧ ышӧдан удж; сэсся строительлы, коді вынъяссӧ ассьыс оз видз, мед сэтчӧс войтырлы содас шудыслӧн радлун да мич. Мед, сідзкӧ, ме шуа, нэмыс и рестораныдлӧн кузь... Кытӧнкӧ сэтшӧм кыв эм-ӧ, сы дінын кельдіс мед Русь!
Гижӧд
Воркутаса «Русь» ресторанын
Жанр: 

lkejrlkelkrgner klrjnelknfrkl ekjnrjkenfrej

1