ТЭНАД ПАРТБИЛЕТ

Войнабӧрса коммунистъяслы
Тэ кӧ видзан морӧс зептад гӧрд кышӧда партбилет, йӧзысь вылӧджык эн лэптысь, кокньыд туй эн корсь да пет. Казьтышт, велӧдіс кыдз Ленин, кутшӧм тэнад мог да удж, медся сьӧкыдторсӧ венны сылӧн вежа нимӧн куж; казьтышт аслад пӧльлысь висьтсӧ, кутшӧм вӧвлі муным гӧль... Эз мӧй пет сэк коммунистӧн выль нэм тэчны тэнад пӧль? Казьтышт кыпыд гора вояс, эз мӧй тшӧтш и тэнад ай пукты аслас зумыд сойӧн пятилеткаясад пай? «Коммунистӧн менӧ лыддьӧй, уся кӧ, кор ярмас тыш!» — сійӧ шуис клятва пыдди жуглыны фашистскӧй кытш. Тэсӧ олан енэж улын айыдлысь тшӧтш овтӧм джын, видзан, медым аслад мулысь шуд оз мырддьы курыд тшын. Гашкӧ, сьӧкыдджык на лоас водзӧ мунысь аслад туй, сьӧлӧм пытшкад весиг коласт мед оз аддзы пырны жуй. Тэнад озырлуныд, шудыд абу дзебӧм зарни куд, — тайӧ муыс, кӧні чужин, радейтны да сьывны кужин, кодкӧд шог и радлун вуджин, — медся ыджыд, югыд шуд! ...Данко моз жӧ сьӧлӧм бинад быд лун медся водзӧ пет, видз пыр аслад сьӧлӧм дінад гӧрд кышӧда партбилет!
Гижӧд
Тэнад партбилет
Жанр: 

lkejrlkelkrgner klrjnelknfrkl ekjnrjkenfrej

1