* * *

Эм кӧ зептад истӧг тув,
кынмӧм помысь он нин кув:
бипур ӧзтан ӧти здукӧн,
шоныдлунсӧ сылысь юкан,
ачыс сюра чӧрт оз йӧрт,
сьӧрсьыд лоас кӧ и пӧрт...
Гажыд збыльысь лоас дінад,
лӧсялас кӧ стопка вина,
мудзтӧ пальӧдыштігмоз
чайӧн юны ичӧт доз...
Сэк и медся кӧдзыд арын
лоан парма шӧрад царӧн!..
Сэктӧ, дерт нин, ковмас чом
да царевнаыд мед том,
вот и лоас вевт да сайӧд,
лыска чомйыд збыльысь
				райӧн...
Эм кӧ зептад истӧг тув,
збыльысь, зонъяс, он нин кув!