ВАЖ ОЛӦМЫСЬ СЕРПАС
Пӧрысь мам колльӧдіс медмуса писӧ кытыськӧ йӧз муысь корсьлыны удж, куимысь кресталіс юр весьтас кисӧ, енмыс мед мӧдӧдіс медыджыд шуд. — Пуксьылам, — шуис, — а туяд кор мӧдан, эн сэсся бергӧдчыв гортланьыд бӧр, мед миян тшыглунным-гӧльлунным, тӧдан, тэкӧд оз кутны нин нуӧдны вен... Сӧмын эн бергӧдчыв... Ас гортсьыс петіс, мамыслысь бурсиӧм кывзӧм мысть, пи. Кысь вӧлі тӧднысӧ, мый паськыд светас би моз жӧ морӧстӧ чишкалӧ йи! Жаль вӧлі мамыс и жаль вӧлі гортыс... «Бергӧдчыв!..» — сьӧлӧмыс чуксасис пыр чӧвтлыны видзӧдлас, меддона мортыс синванас сы вӧсна мыссис кӧн дыр. Кыв вӧлі сетӧма... Кодлы? Да мамлы!.. Сійӧ ӧд морӧссьыс торйӧдіс лов, сувтӧдны кок йылас коньӧрыд сяммис, унаысь эз вӧв кӧть няньтор да сов. Кытшовтіс пиыс и мусӧ, и васӧ, шудлунсӧ аддзыны некысь эз куж. Мыш вывсӧ пасъяліс вирсера пасӧн муӧдзыс жалиттӧг копыртысь удж. Вӧлі нин пӧрысь, кор бергӧдчис гортас, мамыслӧн гу бердас сылӧн тшӧтш гу... Кутшӧмкӧ ен, век жӧ, вӧлі, эз ор кӧ тэнад гӧль войтырлӧн нэм, Коми му!
Гижӧд
Важ олӧмысь серпас
Жанр: 

lkejrlkelkrgner klrjnelknfrkl ekjnrjkenfrej

1