ПЕЧОРА ВЫЛЫН
Тувсовъя Печораным шонді дзирдӧн тыр, синъяснымӧс ёрӧны вой шӧр войӧдз пыр. Босьтлам, мича нывъясӧй, киясаным тыв, медся мича кывъясысь корсям сьыланкыв. Бурлак-зонъяс чукӧрын кодкӧ ӧмӧй рыж? Тувсов кыа югӧрлань бара тӧвзяс пыж. Войвывса царевнаыд мича жӧ да збой, сыкӧд узьны кевмысьӧ ачыс еджыд вой. Льӧм пу дзоридз сывъялас сылысь восьса юр. Ловъя эзысь тывъясад оз кокниа сюр. Сылысь кудри вӧрӧдӧ вильшасьӧмӧн тӧв. Кык сьӧлӧмлысь гӧрӧдсӧ оз торйӧд и ньӧв.
1