ПРИЛАВОК ДОРЫН
Прилавок дорын, карса магазинын, оз ӧти во нин мырсьы миян Зина, а вузасьысьлӧн сэтшӧм, ёртъяс, удж, кӧть пельпомӧдзыд ковта состӧ пудж да пуксьывлытӧг вески бердад бергав... И кар джынсӧ кӧть миян Зина вердӧ, — оз виччысь сійӧ уна аттьӧ кыв! — мед унджык ньӧбасясны зон да ныв, и пӧрысь мортлы коланторсӧ сійӧ оз лёкысь тойышт, — пуктас дзӧран киас да козьналас тшӧтш ассьыс мелі нюм. Но коді лэптӧ татшӧм зык да шум? — Тэ ньӧжйӧ вӧран... Уджалан зэв дыша!.. Тэ вузасян культураыслы мытшан!.. — Прилавок дорын горзӧ ӧти дядь. Выль шляпа юрас, абу код, а садь. Оз частӧ Зина-нылӧс тадзи видны да синва петмӧн, дерт, сылы ӧбиднӧ: кӧть мыйта бурсӧ войтырлы он вӧч, но кодкӧ дойдас укӧрбаӧн стӧч... А кодкӧ шуас, век жӧ, збыльысь, правда: — Тэ, Шляпа, — шуас, — мыйла тадзи равзан?.. Оз эскыссьы, мый тэ — учёнӧй морт... И ми тшӧтш сувтам Зина дор: код ачыс помся лун-вой сёйӧ, став няйтсӧ мукӧд вылӧ койӧ!
Гижӧд
Прилавок дорын
Жанр: 

lkejrlkelkrgner klrjnelknfrkl ekjnrjkenfrej

1