ДЫР КӦ ОВНЫ КӦСЪЯН

Дыр кӧ овны, другӧ, кӧсъян,
видз тэ ассьыд вын,
курыд винатӧ эн лӧсйы,
вӧтлы табак тшын.
Быд лун чеччы вит-квайт часын,
эн узь вывті дыр,
физзарядкатӧ быд асыв
тэрмась вӧчны пыр.
Радейт вӧр, и ва, и шонді,
зэр, и лым, и пуж.
Медся ёна, век жӧ, шонтас
медым аслад удж.
Весиг пенсия кор чуктас,
врач дінӧ эн мун,
некор пыдди тэ эн пукты
ассьыд пӧрысьлун.
Унджык бурсӧ вӧчны верман,
олан кор сё во.
Весиг олӧм помад тэрмась
сдайтны ГТО.