ОЛӦЙ ДЗОНЬВИДЗА ДА БУРА!
Врачьяс тшӧктӧны — быд лун весиг пӧльлы-пӧчлы, медым бурмис налӧн ун, физзарядка вӧчны. Тӧлка йӧзыдлы оз ков сёысь шуны тайӧс: физзарядкатӧгыд лов висьмӧмысь он сайӧд... Вот и колӧ, пыр мед ён, дзоньвидзаӧн лоин. ...Аддза, аддза, удал зон, кутшӧм крепыд сойыд!.. А со тайӧ виж да кос, пыстаӧс моз кут кӧть: асывсяньыс папирос мам нёньсӧ моз шпуткӧ. Абу муса и том ныв, кӧть и шпильки кока, табак кындзи нем он кыв, — татшӧмтӧ он окав! Но, а кодлӧн нырыс гӧрд, пыктӧмысла потӧ, дерт, оз ёна мутӧ гӧр, — асьсӧ ловйӧн сотӧ; сӧмын юны вывті яр, и оз ва, а вина, сысъялас и скипидар, веськалас кӧ дінас. Кодкӧ, кыла, шуӧ мем, мыйла нӧ пӧ полан, код кыдз кужӧ ассьыс нэм, сідз пӧ мед и олӧ... — Ланьт!.. — ме вочавидза пыр, ог куж дзебны скӧрлун, кӧдзыд вира йӧзлы дыр тырмас тадзсӧ сӧрны. Кутшӧмкӧ кӧ дой да шог кодӧскӧ кӧ сёйӧ, буретш тэнад-менам мог мездыны быд дойысь. Шуда олӧм вӧсна тыш сувтіс вывті дона… Уджалігад ассьыд мыш эн жӧ жалит ёна!.. Врачьяс тшӧктӧны быд лун асьтӧ видзны сюся, медся бур дзоньвидзалун ставнымлы мед усьӧ.
Гижӧд
Олӧй дзоньвидза да бура!
Жанр: 

lkejrlkelkrgner klrjnelknfrkl ekjnrjkenfrej

1