НЮМЪЯЛӦ ТУВСОВ ШОНДІ
Му вӧдитысь рӧдын кӧ тэ чужин, бура тӧдан аслад мулысь дон. Видзӧда, кыдз бергӧдчӧ да вуджӧ вына трактор сылысь чорзьӧм пом. Бара воис тулыс миян сиктӧ, зэв меліа сьылӧ колипкай. Збыль ӧмӧй нӧ югыд тувсов войыс, а оз Шонді озырлунтӧ вай? Мыйкӧ талун збыльысь лои мекӧд, нюмъяла, ог синва сорӧн бӧрд: мыйла нӧ оз казяв шогсӧ некод, му помлань оз сибавлы кӧ гӧр? Дас во, дерт, эз волы сэтчӧ куйӧд, татшӧм шудыс коньӧрлы эз усь, эз веськавлы гӧстьӧн гӧрӧм туяс кӧйдысыдлӧн жебиник да тусь. Яндзим татшӧм му дінад и локны, а ӧд сылӧн абу ӧти пом... Волы тшӧтш, эн жалит ассьыд коктӧ, видзӧдлы да бура, агроном! Пӧльяслы кӧть шудлуныс эз сидзлы, — налӧн олӧм вӧлі вывті гӧль, — мутӧ аслас синмысь бура видзны велӧдіс бур пиянсӧ быд пӧль. Вывті кутім озырӧсь ми лоны, — ныр улысь оз вошлы нянь ни вый... Кодкӧ шуас: мыйла кутін воны, эндыштіс кӧ му пом... Но и мый?.. Абу, сідзкӧ, тэ крестьяна рӧдысь, урӧсмӧдан ас кинад кӧ му... Яндзимлунтӧ неуна кӧ тӧдан, асьтӧ бур йӧз суд водзӧ и ну.
Гижӧд
Нюмъялӧ тувсов шонді
Жанр: 

lkejrlkelkrgner klrjnelknfrkl ekjnrjkenfrej

1