ДӦВАЯС

Налы, кодъяслӧн подвигыс Брестса
геройяс серти абу ичӧтджык.
Сэтшӧм керкаыд сиктад абу, эм кӧ, индӧй ті, кӧні эм, медым пӧрысьмӧм дӧва баба сэні ассьыс эз колльӧд нэм. Кыдзи пармаса дзормӧм козлы сӧмын дзуртыштан коли удж, вӧтнас верӧссӧ аслас позйысь дӧва аддзывны оз нин куж. Сійӧ тупкысис быттьӧ руӧн, синва быри и син дор кос, ӧти кок пӧвнас пырис муӧ верӧс киясӧн вӧчлӧм пос. Пӧчӧн шуысьясыд кӧ эмӧсь, постӧ вӧчасны, абу мог! Дӧва мамъяслы кызьӧд нэмад тырмис пӧттӧдзныс курыд шог. Сӧмын шог ӧмӧй? Вӧвлі ичмонь да эз казявлы, лои пӧч... Мыйта коньӧрлы уджыс вичмис, сійӧс некод эз артав стӧч. Да и ӧні оз ӧшйы инас, кӧть и эм кӧнкӧ пи да ныв, лэптас, ковмас кӧ, стопка вина да тшӧтш нюжӧдлас сьыланкыв. Нимтім кувлывтӧм йӧзӧн найӧс, кодъяс пуктісны тышын юр. Муса дӧваяс, тіян пайлы помӧдз донъялан дон оз сюр!
Гижӧд
Дӧваяс
Жанр: 

lkejrlkelkrgner klrjnelknfrkl ekjnrjkenfrej

1