МЕ ВӦВЛІ КРЕСТЬЯНИН ПИӦН
Ме вӧвлі крестьянин пиӧн, и абу куш аслам мыж, мый му бердысь юкис киӧс мӧд олӧмӧ кывтысь пыж. Но сьӧлӧмын ставыс олӧ, мый кӧдзлісны бать да пӧль, кӧть пызанным няньӧн-солӧн сэк ёна жӧ вӧлі гӧль. Ме сэк сӧмын лои шуда, водз асылын вӧлӧн кор ыб вомӧн ме весьтас вуджи тшӧтш косявны ассьым бор. А му вӧлі пӧсь да руа, мам морӧс кодь небыд, шань. Сэк ӧтвылысь юкны шуим быд гӧрысьлы быдтӧм нянь. Мед сойясысь вынӧй чиніс, но пӧрысьлун оз на пык, кор вӧвлӧм лӧнь вӧлӧсть дінысь ён тракторлысь кыла зык. Выль музыка этшӧн кывтӧ выль ыбъясӧд сьыланкыв, да кияснас трактор вывсянь дыр ӧвтӧны зон да ныв. А кытысь ме корся кывъяс, мый сьӧлӧмын менам эм? Мед тіянкӧд, зонъяс, нывъяс, бур шуд лоас да кузь нэм!
Гижӧд
Ме вӧвлі крестьянин пиӧн
Жанр: 

lkejrlkelkrgner klrjnelknfrkl ekjnrjkenfrej

1