ЗЭР ЙЫЛЫСЬ КЫК КЫВБУР

1.
Но и зэр, но и зэр!. Кӧні сылӧн помыс? Быттьӧ дзикӧдз ышмӧм зверь койӧ аслас вомысь. Кытчӧ дзебсян? Водзын видз, юлӧн паськыд отыс... Татшӧм луннад дыр он видз чукӧртыштӧм вотӧс, да и кӧтасьнысӧ дыш лэбувтӧм куш эрдад. Вельмӧм зэрлы менам мыш абу сюмӧд шердын! Ӧдйӧ вувзи дӧрӧм-гач, чеччыштӧмӧн... юӧ, медым сійӧ менӧ тась зэрлӧн сывйысь нуӧ! Прӧща кора, висьтлӧн пом неуна кӧ кузьджык... Сэки вӧлі зэв на том, но йӧй зэрсьыд сюсьджык.
2.
Туйын мӧдысь суис зэр. Мый жӧ, шуа, вӧчны? Ковмас вуджны восьса эрд сідз жӧ, кыдзи кӧчлы. Пӧрччи дӧрӧм, чӧвті гач ӧти здукӧн ассьым, лои, казяланныд, нач пывсянын кодь пасьтӧм. Сэсся? Тэрмасьны эз ков, — восьлав, мыйта колӧ! Зэрысь-ваысь эз нин пов менам ышмӧм лолӧй. Гортӧ пыри шнички кос, ньӧти эг и кӧтась, зэрысь нӧдздӧм вӧлӧк кост эг весиг и вӧтась. Уна керлі смек да грек томдырся на йӧйӧн, эз ӧд прӧста шуны сэк Серафим святӧйӧн!
Гижӧд
Зэр йылысь кык кывбур
Жанр: 

lkejrlkelkrgner klrjnelknfrkl ekjnrjkenfrej

1