ПӦРЫСЬ ПАРӦ ЛЭБӦ КАРӦ
— Бабӧ, кытчӧ лэбан? — Карӧ... — Бабӧ, кымын тэныд арӧс? — Кымын арӧс? Абу дас... Таво тыри сизимдас! Бара, пиук, кымӧр сайӧд кӧсъя кыпӧдчывны райӧдз... — Райӧдз? — Райӧдз, муса зон. Райсӧ тӧдан али он? — Ме эг кывлы... — То-то, шуа... Менӧ витӧдысь нин нуӧ сылань тэрыб самолёт. Вот... Первойысь, дерт, йирмӧг вӧлі, кор кӧрт лэбач вылӧ сӧлі... Кымӧр сайысь корся рай, а мен вайӧны пӧсь чай. Чайсӧ юи, преник сёйи, рушкулы тшӧтш лӧсьыд лоис, шуа: «Век жӧ, индӧй мем, кӧні олӧ миян ен?» Кыла, сералӧны: «Бабӧ, патераас енмыд абу!.. Тыртӧм талун сылӧн чом»... Но оз чӧв ов менам вом: «Илля-пророкыс нӧ кӧні ыджыд бӧчка кыскӧ ӧні? Петыр-Павел, шуа, вай тэ кӧть восьтыв ассьыд рай!» Некод абу... Сӧмын кымӧр шонді улӧ помся пырӧ, небесаыс помтӧм лӧз, небесаын — бордъя йӧз. Карӧ лэбим ӧти часӧн, быттьӧ мӧсла ветлі расӧ, а кор гортӧ вои бӧр, шуи верӧслы: «Эн дзӧр!.. Тырмас янӧдны нин асьтӧ: чукӧрт став иконостастӧ, рӧвӧ... Эн, эн рӧвӧ! Мун утиль вылӧ ставнас ну». Пӧрысь гозъя ӧні олам, енлӧн ёрӧмысь ог полӧй, сылысь уна вося бус сотіс лудік виян дуст... Мыйла Парӧ татшӧм варов? Парӧ бара лэбӧ карӧ!
Гижӧд
Пӧрысь Парӧ лэбӧ карӧ
Жанр: 

lkejrlkelkrgner klrjnelknfrkl ekjnrjkenfrej

1