НЫВБАБА НУӦ ДЗОРИДЗЬЯС
Медбӧръя турӧб мед пессьӧ на, — сылы тадз колӧ кӧ, — нывбаба нуӧ нэр дзоридзьяс аслас посёлокӧ, морӧснас шонтӧ да пальӧдӧ найӧс пӧсь лов шынас, мед сӧмын тулыскӧд тшӧтш найӧ, коньӧръяс, ловзясны. Нывбаба нуӧ нэр дзоридзьяс... Колӧ тадз эскыны: вевттьыны найӧс жӧ аслас дзик медбӧръя эшкынӧн, пукавны войын да висьны, мый ывлаыс ыркыд на, енэжыс лым чир и зэр сылӧн чужӧмӧ пыркӧдӧ. Мун, сьӧкыд тулыс! Веж дзоридзтӧг гажтӧм посёлокас, вӧр-валысь мичлунсӧ радейтысь войтыр сэн олӧны. Нывбаба нуӧ веж дзоридзьяс... Лелькуйтӧ найӧс да киськалӧ, мукӧдлы тӧждлунсӧ юктӧг да гораа висьтавтӧг. Видзӧдӧй, любуйтчӧй, ассьыс кыдз сё рӧма паськӧмсӧ талун посёлокыс ті водзӧ радпырысь паськӧдӧ! Збыльысь сэн праздник, и премия юклӧны клубаныс, мыйта сэн нюмыс начальстволӧн, мыйта сэн любӧныс! Нывбаба сӧмын оз тыдав... И сійӧс оз казьтывны, ошкӧны асьнысӧ быдӧн да пельклунсӧ ассьыныс... Мыйла оз вермыны дзоридзьяс ме моз жӧ горӧдны, лӧж улӧ веськалӧм ассьыныс вужъяссӧ орӧдны!?
Гижӧд
Нывбаба нуӧ дзоридзьяс
Жанр: 

lkejrlkelkrgner klrjnelknfrkl ekjnrjkenfrej

1