СИНЪЯС
Мортӧс син сертиыс тӧдан, кутшӧм сійӧ эм, он тай лӧсьӧд сылы пӧдан, кӧть и олан нэм. Ӧтилӧн кӧ сійӧ жугыль, мӧдлӧн вывті збой, оз и бырлы лэчыд югӧр либӧ кынмис вой. Синкым увсянь коймӧд дзоргӧ, чайтан, лёк да скӧр, кӧть и, овлӧ, зумыш ордад лёклуныд оз тӧр. Коді ошкас сэтшӧм синъяс, кӧні тӧдчӧ лӧж, нэмсӧ корсьны ыджыд чинъяс налӧн ӧти тӧжд. Сійӧ, гашкӧ, вылі лэбӧ да оз ёна дыр, бур войтырысь синъяс дзебӧ олігчӧжыс пыр. Весиг син лапнас оз лапнит вывті наян морт, кодлысь пельк, но донтӧм тшаплун дивитыштас ёрт. Синъяс... Быдтор дзебны позьӧ, весиг ним и ов, но кык синмын, кыдзи кодзув, олӧ аслад лов. Мед быд мортлӧн аслас рӧма синъяспытшса сер. Быд чир аддзам йӧзлысь сӧмын, ас синмын кӧть кер. Воас кад, кор дзикӧдз бырас пашпортыдлӧн дон, му шар вылысь сійӧс зырас сӧстӧм синма зон. Ставыс лоас бур да муса — сьӧлӧм, мӧвп и ки. Некод синъясысь оз кусӧд ӧти шуда би!
Гижӧд
Синъяс
Жанр: 

lkejrlkelkrgner klrjnelknfrkl ekjnrjkenfrej

1